जापानका पुरुष मन्त्रीले सुत्केरी बिदा लिन्छु भन्दा हेडलाइन समाचार
बाइलाइन नेपाल
जापानका वातावरणमन्त्री शिन्जिरो कोइजुमीले आफूले पत्नी सुत्केरी हुँदा दुई साताको बिदा लिन लागेको जनाएपछि उनी देशमा हेडलाइन समाचार बनेका छन् । उनले बच्चाको पहिलो महिनाको हेरचाहको लागि करिब दुई साता विदा लिने जनाएका थिए ।
जापानको मन्त्रिमण्डलका कुनै पनि सदस्यले यसरी पत्नी सुत्केरी भएको बेलामा बिदा लिन लागेको यो पहिलो पटक भएको बताइएको छ ।
जापानमा बच्चा जन्मिएपछि सरकारी सेवामा काम गर्ने पुरुषलाई एक महिना भन्दा बढी समय बिदा बस्न पाउने नियम लागु गरिएको जनाइएको छ ।
तर, केवल ६ प्रतिशत पुरुषले मात्रै यस्तो विदा लिएको सन् २०१८मा पाइएको छ । किनकी उनीहरुलाई निरन्तर काम गर्न दबाब हुने गरेको छ । महिलाहरुको प्रतिशत भने ८२ रहेको छ ।
३८ वर्षिय कोइजुमीले बुधबार पत्रकारहरुसँगको कुराकानीमा सो कुरा बताएका थिए ।
उनले आफ्नो सहयोगीलाई इमेल र भिडियो कन्फेरेन्सको माध्यमबाट आफ्नो प्रतिनिधित्व गर्न लगाउने जनाएका थिए ।
यद्यपि महत्वपूर्ण सार्बजनिक गतिविधि जस्तो संसदको सेसन भने आफूले नछोड्ने उनले जनाएका छन् । उनले त्यस खालको बिदा लिने गत वर्षदेखि नै भन्दै आएकोमा त्यसबारेमा चर्चा भइरहेको थियो ।
कोइजुमीले ४२ वर्षिया फ्रेन्च—जापानी न्यूज प्रेजेन्टर क्रिस्टेल टाकीगावासँग विवाह गरेका छन् ।
उनी जापानका प्रख्यात प्रधानमन्त्री जुनिचिरो कोइजुमीका दोस्रो सन्तान पनि हुन् । उनी जापानको राजनीतिमा राइजिङ्ग स्टारको रुपमा समेत चिनिन्छन् । (बीबीसी)
