कतार प्रवेशको प्रतिबन्ध हट्यो, नोभेम्बर १५ देखि नयाँ भिसा भएकालाई पनि प्रवेश अनुमति
बाइलाइन नेपाल
कोरोना महामारीले नयाँ श्रमिक ल्याउन रोकेको कतारले नोभेम्बर १५ देखि सबै प्रतिबन्ध हटाएको छ ।नयाँ श्रमिक ल्याउने कम्पनीले कतार सरकारले तोकेको नयाँ पारिश्रमिकको मापदण्ड पूरा गर्नुपर्नेछ ।
कोरोनाका कारण लगाइएको प्रतिबन्ध हटाइए पनि नयाँ श्रमिक ल्याउँदा नयाँ नियम पालना गर्ने कम्पनीको मात्र निवेदन स्वीकृत गरिने कतारको प्रशासनिक विकास, श्रम तथा सामाजिक मन्त्रालयले जनाएको छ ।
कतार प्रवेश गर्नेले कोरोना नेगेटिभ भएको प्रमाण पत्र देखाउनु पर्ने छ । यस्तै सात दिन क्वारेनटाइन पनि बस्नु पर्नेछ । यो मापदण्ड पूरा गर्ने नयाँ श्रमिकले पनि कतार प्रवेशको अनुमती पाउने छन् ।
मोबाइलमा अनिवार्य एह्तराज एप्स डाउनलोड गर्नु पर्नेछ । यसघि कतारले कतारी आइडी होल्डर भएकाहरूलाई मात्र प्रवेश अनुमति दिदै आएको थियो ।कतार सरकारको यो निर्णयसंगै छुट्टीमा गएर नेपालमै रोकिएका तथा नयाँ भिसा लागेर कतार जाने पर्खाइमा रहेका नयाँ नेपाली श्रमिकले पनि प्रवेश अनुमति पाउने छन् ।
मास्क नलगाई हिड्ने १६४ जान पक्राउ
मास्क नलगाई हिड्ने १६४ जनालाई कतारको आन्तरिक मन्त्रालयले पक्राउ गरेको छ । यस्तै सात व्यक्तिको सवारीसाधन नियन्त्रणमा लिइएको छ ।उनीहरू सबैलाई सार्वजनिक मुद्दा चलाईएको मन्त्रालयले जनाएको छ ।कतारमा सवारी चालकसहित एकै परिवारका चार जना मात्र हिड्न अनुमती दिइएको छ ।
