कतारमा कोरोना संक्रमित २१ हजार नाघ्यो, आज ११ सय ३० कोरोना संक्रमित थपिए
अनिल पराजुली
कतारमा आज ११ सय ३० जना कोरोना भाइरस (कोभिड–१९) का संक्रमित फेला परेका छन् ।
कतारको स्वास्थ्य मन्त्रालयले दिएको जानकारी अनुसार पछिल्लो २४ घण्टामा ४ हजार ९६ जनाको जाँच गर्दा ११ सय ३० नयाँ संक्रमित फेला परेका हुन् । यससँगै कतारमा संक्रमितको संख्या २१ हजार ३ सय ३१ पुगेको छ ।
कतारमा आज थप एक ५२ बर्षीय नागरिकको मृत्यु भएको छ । यो संगै कतारमा कोरोना भाइरसका कारण मृत्यु हुनेको संख्या १३ पुगेको छ ।
बिश्वव्यापी रुपमा फैलिएको कोरोना भाईरसका कारण कतारमा संक्रमितको संख्या प्रत्येक दिन थपिदै गएको छ । स्वास्थ्य मन्त्रालयका अनुसार हालसम्म दुई
हजार ४ सय ९९ जना निको भएर घर फर्किएका छन् । आज मात्रै १ सय २९ जना संक्रमित निको भएर फर्केका हुन् ।
१८ हजार ८ सय १९ जना कोरोना संक्रमित बिरामीहरुलाई क्वारेन्टाइनमा राखेर उपचार भईरहेको जनस्वास्थ्य मन्त्रालयले जनाएको छ । कतारमा अहिले सम्म १
लाख २४ हजार ५ सय ५४ जनाको कोरोना जाँच भएको कतारबाट प्रकाशित हुने गल्फ टाइम्सले जनाएको छ । कतारमा कोरोना संक्रमित मध्ये ७२ जनाको अवस्था भने गम्भिर रहेको वल्डोमिटर्सले जनाएको छ ।
कोरोना संक्रमितको संख्या थपिदै जाँदा पोजेटिभ देखिएकाहरुलाई समेत अस्पताल लगिएको छैन । उनीहरु कोठामै बस्न बाध्य भएका छन् । संक्रमित मध्ये धेरैजसो आप्रवासी नागरिकहरु छन् । कतार सरकारले कुन देशका संक्रमित नागरिक कति रहेको छ भन्ने तथ्याङक भने सार्वजनिक गरेको छैन ।
