काभ्रेका वाग्ले गाँजासहित मकवानपुर प्रहरीको फन्दामा

हेटौंडा । एक युवक लागूऔषध गाँजासहित मकवानपुर प्रहरीको फन्दामा परेका छन् ।

इलाका प्रहरी कार्यालय नेवारपानीबाट खटिएको प्रहरी टोलीले हेटौंडा उपमहानगरपालिका–१९ नेवारपानीबाट १ सय ६२ कलिो गाँजासहित काभ्रेको धुलिखेल नगरपालिका–१२ घर भएका किरण वाग्लेलाई पक्राउ गरेको हो ।

मनहरीबाट हेटौंडा आउँदै गरेको प्रदेश ३–०१–०२४ च ६३६१ नम्बरको योद्धा गाडीलाई रोकी चेक गर्ने क्रममा वाग्लेलाई लागुऔषध गाँजासहित पक्राउ गरेको जिल्ला प्रहरी कार्यालयका प्रहरी नायव उपरीक्षक श्यामु अर्यालले जानकारी दिए ।

गाडीमा प्लाष्टिकको क्रेटहरुमुनि लुकाई राखिएको अवस्थामा प्रहरीले पक्राउ गरेको हो । वाग्लेलाई ४ दिनको म्याद थप गरी अनुसन्धान भइरहेको प्रहरी नायव उपरीक्षक अर्यालले बताए ।