‘प्रेमगीत ३’ को हिन्दी र नेपाली भर्सनको गीत रिलिज

दशैंको अवसर पारेर आउँदो असोज ७ गतेदेखि नेपाल र भारतमा एकसाथ प्रदर्शनमा आउन लागेको चलचित्र ‘प्रेमगीत ३’को नयाँ गीत सार्वजनिक गरिएको छ । बिहीवार नेपाली र हिन्दी भर्सनमा छुट्टाछुट्टै गीत सार्वजनिक गरिएको हो ।

‘मायाको गाउँ’ बोलको नेपाली भर्सनको गीत ‘ओएरआर डिजिटल’ युट्युब च्यानलमार्फत सार्वजनिक गरिएको छ । विष्णु भण्डारीको शब्द रचना, सरोज पोखरेलको संगीत रहेको यस गीतमा प्रताप दासको स्वर छ ।

भिडियोमा अभिनेता प्रदीप खड्का र अभिनेत्री क्रिष्टिना गुरुङ प्रस्तुत छन् । मुस्ताङमा जाडोयाममा खिचिएको गीतमा हिमपातको लोभलाग्दो दृश्यहरु समावेश गरिएको छ । भिडियोमा प्रदीप र क्रिष्टिना प्रेमिल मुद्रामा छन् ।