सहकारी लेखा ब्यवस्थापन तालिम शुरु

बाइलाइन नेपाल
१३ असार २०७९, सोमबार १७:४५

हेटौंडा । मकवानपुर जिल्ला सहकारी संघ लि. को आयोजना तथा वागमी प्रदेश सहकारी बोर्डको सहयोगमा सहकारी लेखा ब्यवस्थापन तालिम सुरु भएको छ ।

चार दिनसम्म संचालन हुने तालिमको बकैया गाउँपालिका उपाध्यक्ष भक्तबहादुर खत्रीले प्रशिक्षकलाई तालिम सामग्री हस्तान्तरण गरि उद्घाटन गरेका छन्् ।

उद्घाटनकै क्रममा उपाध्यक्ष खत्रीले सहकारीमा आवद्ध भएपछि सहकारीको मर्म अनुसार उद्दमशिल कार्यमा लाग्न तालिममा सहभागीहरुलाई अनुरोध गरे । उनले उद्दमशिलताको बिकास गरि समतामुलक समाज निर्माणका लागि सहकारी अपरिहार्य भएको बताए ।

तालिम उद्घाटनकै क्रममा उद्घाटन कार्यक्रमका बिशिष्ट अतिथि मकवानपुर जिल्ला सहकारी संघका सचिव दिनेश उपाध्यायले सहकारीको अर्थ सहकार्य भएको र सहकारीले सामाजिक जीवनस्तर उकास्न मद्दत गर्ने बताए ।उनले सहकारीका संचालक र कर्मचारीको क्षमता बिकासको लागि तालिम आयोजना गरेको उल्लेख गरे ।

तालिम उद्घाटनका क्रममा बकैया गाउँपालिका वडा नम्बर ३ का अध्यक्ष भुमलसिं घलान, ५ का अध्यक्ष लक्ष्मी जिम्बाले शुभकामना मन्तब्य ब्यक्त गरेका थिए ।

सहकारी संजाल बकैयाका अध्यक्ष सिताराम दाहालको अध्यक्षतामा एवम् मकवानपुर जिल्ला सहकारी संघका ब्यवस्थापक गोबिन्द दाहालले संचालन गरेको कार्यक्रममा संघका कर्मचारी राजकुमार केसीले स्वागत मन्तब्य ब्यक्त गरेका थिए ।

तालिममा बकैया, बागमती र मकवानपुरगढी गाउँपालिकामा भएका सहकारी संस्थाका संचालक तथा कर्मचारीहरुको सहभागिता रहेको छ ।

यसमा तपाइको मत

Your email address will not be published. Required fields are marked *


*