मकवानपुरमा ६० प्रतिशत मत खस्यो

बाइलाइन नेपाल
३० बैशाख २०७९, शुक्रबार १९:२५

हेटौंडा । मकवानपुरमा स्थानीय तह निर्वाचनमा करिब ६० प्रतिशत मत खसेको छ । मुख्य निर्वाचन अधिकृत डिल्लीरत्न श्रेष्ठका अनुसार दिउँसो परेको पानीले गर्दा केही समस्या भएपनि साँझसम्म मतदाता मतदान गर्न लाइनमै थिए ।

प्रमुख निर्वाचन अधिकृत श्रेष्ठका अनुसार आजै सबै स्थानीय तहमा मतगणना सुरु हुनेछ । स्थानीय तहमा मतगणना स्थलको तयारी समेत पूरा भइसकेको छ भने अहिले मतदान केन्द्रहरुबाट मतपेटिका संकलन गरी मतगणना स्थमा ल्याउने तयारी भइरहेको बताए ।

मकवानपुर जिल्लामा २ लाख ९४ हजार ९ सय १९ मतदाता रहेका छन् भने जिल्लामा मतदानको लागि ३ सय ५६ मतदान केन्द्रको व्यवस्था गरिएको थियो ।

जिल्लामा सबैभन्दा बढी मतदाता हेटौंडा उपमहानगरपालिकामा १ लाख ४ हजार ४ सय ७३ र सबैभन्दा कम इन्द्रसरोबर गाउँपालिकामा १२ हजार ४ सय ७१ रहेका छन् ।

मकवानपुरमा प्रमुख, उपप्रमुख, अध्यक्ष, उपाध्यक्ष, वडा अध्यक्ष र सदस्य गरी कुल १ हजार ९सय ३२ जना उम्मेदवार छन् ।

यसमा तपाइको मत

Your email address will not be published. Required fields are marked *


*