मतदान केन्द्रभित्र फोटो खिच्न निषेध, यी हुन् पालना गर्नुपर्ने नियम

बाइलाइन नेपाल
३० बैशाख २०७९, शुक्रबार ०६:५९

देशभरका स्थानीय तहहरुमा नयाँ जनप्रतिनिधि चुन्न आज मतदान हुँदैछ । मतदान बिहान ७ बजेदेखि सुरु भई अपराह्न ५ बजेसम्म चल्ने निर्वाचन आयोगले जनाएको छ ।

तपाईं पनि आफ्नो अमूल्य मत दिन मतदान केन्द्र पुग्दै हुनुहुन्छ होला । योबेला मतदान केन्द्रमा के गर्न पाइँदैन भन्ने कुरा थाहा पाइराख्दा राम्रो हुन्छ ।

सबैभन्दा पहिले मतदान केन्द्रमा को–को जान पाउँछन् भन्ने कुरा थाहा पाइराखौं–

मतदाता
सुरक्षाकर्मी
उम्मेदवार वा उम्मेदवारको एक जना प्रतिनिधि
निर्वाचन आयोगबाट अनुमति प्राप्त पर्यवेक्षक
निर्वाचन आयोग वा निर्वाचन अधिकृत वा मतदान अधिकृतबाट अनुमति पाएका व्यक्ति
महिला मतदाताको साथमा रहेको बढीमा पाँच वर्षको नाबालक
दृष्टिविहीन वा शारीरिक रूपले अशक्त मतदाताको सहयोगका लागि साथमा आएको एकाघरको परिवारको सदस्य
तर मतदान केन्द्रमा मादक पदार्थ सेवन गरेर जान पाइँदैन ।
मतदान केन्द्रमा निम्न कुराहरु निषेध छ–

मोबाइल क्यामेरा तथा फोटो खिच्ने सामग्री
सलाई र लाइटरजस्ता प्रज्वलनशील एसिड पदार्थ
कुनै प्रकारको हातहतियार
नमूना मतपत्रलगायतका कागजात
कुनै राजनीतिक दल वा उम्मेदवारको निर्वाचन चिह्न भएको वा संकेत जनाउने कुनै वस्तु

यसमा तपाइको मत

Your email address will not be published. Required fields are marked *


*