अन्तिम संस्कारको विज्ञापनमा नग्न मोडल राख्दा बबाल

एजेन्सी
२१ माघ २०७८, शुक्रबार २०:१४

रुसमा अन्तिम संस्कारको सेवा दिने एक कम्पनीको विज्ञापनमा विवाद भएको छ । कम्पनीको एक विज्ञापनमा कफिनसँग बिकिनी लगाएका महिलालाई देखाइएको छ । केही महिला कफिनमा पल्टिएको पनि देखिएका छन् । यस्तै, विज्ञापनमा केही महिलालाई नग्न पनि देखाइएको छ ।

यो विज्ञापन सोसल मिडियामा भाइरल हुने बित्तिकै प्रयोगकर्ताले मस्कोस्थित यो हिरोनिम अन्डरटेकर्स कम्पनीलाई ट्रोल गर्न सुरु गरेका छन् । कम्पनीले हालै आफ्नो इन्स्टाग्राम र टिकटक अकाउन्टमा ४२ सेकेन्डको विज्ञापनको भिडियो सेयर गरेको थियो । कतिले शोकमा पनि सेक्स बिक्छ भनेर प्रश्न सोधिरहेका छन् ।

भिडियोमा बिकिनी लगाएका मोडल कफिनसँगै उभिएका देखिएका छन् । मोडलहरु कफिनमाथि आपत्तिजनक स्थितिमा सुतिरहेको पनि देखिएका छन् । यो विज्ञापनमार्फत् कम्पनीले आफूले प्रदान गर्दै आएको सेवाको प्रोमोट गरिरहेको थियो ।

विज्ञापनको भिडियोलाई क्रमशः २१ र २२ जनवरीमा पोस्ट गरिएपछि टिकटक र इन्स्टाग्राममा यसलाई हज्जारौँ पटक हेरिइसकेको छ । विज्ञापनमार्फत् कम्पनीले आफूसँग अन्तिम संस्कारको पूरा प्रक्रिया आयोजनाका लागि प्रशिक्षित एजेन्ट भएको बताएका छन् । यो विज्ञापनको भिडियो भाइरल भएपछि सोसल मिडियामा कम्पनीको आलोचना भइरहेको छ ।

एक प्रयोगकर्ताले कम्पनीका कर्मचारीको दिमाग खराब भएको लेखेका छन् । जबकी अर्का एक प्रयोगकर्ताले मानिसले आफ्नो सीमा बिर्सिसकेको बताएका छन् । यस्तै अर्का एक प्रयोगकर्ताले लेखे, ‘यस्तो दुःखको घडी र नीजि पलको विज्ञापनका लागि हामीलाई नग्न महिला किन चाहियो ?’ धेरैजसो प्रयोगकर्ताले यो विज्ञापनलाई आपत्तिजनक बताएका छन् ।

 

यसमा तपाइको मत

Your email address will not be published. Required fields are marked *


*