भरुवा बन्दुकसहित ३ जना पक्राउ
बाइलाइन नेपाल
कैलालीमा भरुवा बन्दुकसहित ३ जना व्यक्तिलाई प्रहरीले पक्राउ गरेको छ । पक्राउ पर्नेमा भरुवा बन्दुकसहित कैलालीको घोडाघोडी नगरपालिका–३ बस्ने बर्ष ३५ को अजय चौधरी, लुल्सीराम चौधरी र वडा नं ५ बस्ने बर्ष ५५ को दयाराम चौधरी रहेको जिल्ला प्रहरी कार्यालय कैलालीले जनाएको छ ।
अजय चौधरीले चलाएको से ३ प ७७१२ मोटरसाईकल पछाडि दुई जनाले भरुवा बन्दुक थान १, गोली थान ८ र तुलसी राम चौधरी चलाएको से २ प९८७७ नम्बरबो मोटरसाइकल पछाडि सवार दयाराम चौधरीको साथबाट चक्कु १, बन्चरो १, टर्चलाईट २ थान बरामद गरेको प्रहरीले जाएको छ ।
कैलालीको भजनी नगरपालिका–७ हिम्मतपुरस्थित हुलाकी राजमार्गमा खटिएको सीमा सुरक्षा पोष्ट र हिम्मतपुरबाट खटिएको शस्त्र प्रहरी बलको टोली ले पश्चिम बाट पूर्वतिर आइरहेको सो व्यक्तिहरुलाई पक्राउ गरेको हो । पक्राउ परेका तीन जनालाई थप अनुसन्धानका लागि ईलाका प्रहरी भजनी पठाई थप अनुसन्धान भइरहेको प्रहरीले जनाएको छ ।
