मुजिब र रासिदको उत्कृष्ट बलिङमा अफगानिस्तानको सुखद सुरुवात
बाइलाइन नेपाल
मुजिब उर रहमानले पाँच विकेट लिँदा अफगानिस्तानले स्कटल्यान्डमाथि सहज जित निकाल्दै टी–ट्वान्टी विश्वकप क्रिकेटमा सुखद सुरुवात गरेको छ ।
सारझा क्रिकेट स्टेडियममा ४ ओभर बलिङ गरेका मुजिबले २० रन खर्चेर ५ विकेट लिए । अफगानिस्तानले दिएको १९१ रनको लक्ष्य पछएको स्कटल्यान्डलाई १० ओभर २ बलमा ६० ओभरमै समेट्न राशिद खानले ४ विकेट लिए ।
त्यस्तै नाविम उलहकले १ विकेट लिए । ब्याटिङमा स्कटल्यान्डका लागि गोर्गे मोन्सेले २५ रन बनाउँदा क्रिस ग्रेभास १२ र केल कोट्रेजले १० रन बनाए ।
स्कटल्यान्डका लागि त्यसबाहेकका ब्याटरले दोहोरो रन जोड्न नसक्दा अफगानिस्तानले १३० रनको जित निकाल्न सफल भयो ।
यसअघि टस जितेर पहिले ब्याटिङ गरेको अफगानिस्तानले नाजिवउल्लाह जर्दानको अर्धशतकको सहयोगमा स्कटल्यान्डलाई १९१ रनको लक्ष्य दिएको छ ।
३४ बल खेलेका जर्दानले ५ चौका र ३ छक्का प्रहार गरे । अफगानिस्तानका लागि हर्जतउल्लाह जाजाइले ४४ रनको योगदान गरे । त्यस्तै ३७ बल खेल्दै रहमानउल्लाह गुरुवाजले ४६ रन बनाए । मोहमद साहजादले २२ रन बनाउँदा मोहम्द नावीले ११ रन जोडे ।
यता स्कटल्यान्डलका लागि साफ्यान सारिफले दुई विकेट लिए । त्यस्तै जोस डेभे र मार्क वाटले समान एक–एक विकेट लिए ।
जितसँगै अफगानिस्तानले समूह–२ मा २ अंक जोडेको छ । यता स्कटल्यान्डले हारबाट प्रतियोगिताको सुरुवात गरेको छ ।
