निषेधाज्ञामा कडाइ : ५ हजार २ सय प्रहरी परिचालन

आइतबारदेखि काठमाडौँ उपत्यकामा लागू गरिएको निषेधाज्ञामा थप कडाइ गरिएको छ । यसका लागि ५ हजार २ सय प्रहरी परिचालन गरिएको छ भने उपत्यकाभर १ सय ५१ वटा होल्डिङ सेन्टर बनाइएका छन् ।

त्यस्तै, स्पेशल चेक प्वाइन्ट ५६ स्थानमा कोन राखेर चेकजाँच गरिएको छ । त्यसबारे वृत र प्रभागका इन्चार्जहरुले आ–आफ्नो क्षेत्रमा पिकेट ड्युटी, मोबाइल र सीआरभी परिचालन गरेर आवागमनलाई निगरानी गरिरहेको छ ।

आज बिहानसम्म मात्र १ हजार १ सय ६२ मानिस तथा ४३८ सवारी होल्ड गरिएको महानगरीय प्रहरी कार्यालयका प्रवक्ता एसपी सुशिल सिंह रठौरले रातोपाटीलाई बताए ।