बार्सालाई हराउँदै रियल शीर्ष स्थानमा

एजेन्सी
बाइलाइन नेपाल
२९ चैत्र २०७७, आईतवार ०७:२४

चिरप्रतिद्वन्द्वी बार्सिलोनालाई सिजनको दोस्रो एल क्लासिकोमा हराउँदै स्पेनिस ला लिगाको शीर्ष स्थानमा उक्लिएको छ । शनिबार राति भएको खेलमा रियल २–१ अन्तरले विजयी बनेको हो ।

खेलको १३ औँ मिनेटमा नै करिम बेन्जेमाले उत्कृष्ट गोल गर्दै रियलाई अग्रता दिलाएका थिए । पछिल्ला सात लिग खेलमा बेन्जेमाको यो नवौँ गोल हो । खेलको २८ औँ मिनेटमा टोनी क्रुसले फ्रिकिक मार्फत रियलको अग्रता दोब्बर बनाए ।

दोस्रो हाफमा ओस्कार मिनगुएजाले बार्सिलोनाका लागि एक गाेल फर्काए पनि त्यसपछि कुनै पनि गोल हुन सकेन । रियलका कासिमिरोले खेलको अन्त्यतिर रातो कार्ड पाएका थिए ।

रियल र एथ्लेटिको म्याड्रिडको समान अंक रहे पनि हेड टु हेडको आधारमा रियल शीर्ष स्थानमा उक्लिएको हो । यद्यपि, एथ्लेटिकोले एक खेल कम खेलेको छ । आइतबार रियल बेटिसलाई हराए एथ्लेटिको पुनः शीर्ष स्थानमा उक्लिनेछ । बार्सिलोना लिगको तेस्रो स्थानमा सिमित बनेको छ ।

यसमा तपाइको मत

Your email address will not be published. Required fields are marked *


*