सानु शिवाको स्थानमा जानकीदेवीलाई सांसद् बनाउने एमालेको निर्णय

काठमाडौँ – नेकपा (एमाले)ले सांसद सानु शिवाको निधनपछि रिक्त स्थानमा जानकीदेवी रामलाई सांसद बनाउने निर्णय गरेको छ । प्रतिनिधि सभामा एमालेका तर्फबाट समानुपातिक सांसद बनेको शिवाको केही समय पहिले निधन भएको थियो।

एमालेको पछिल्लो अन्तरपार्टी निर्देशनमा जानकीदेवी रामलाई समानुपातिक सांसद निर्वाचित गर्न निर्वाचन आयोगमा लेखि पठाउने निर्णय भएको उल्लेख छ।

निर्वाचन आयोगमा प्रतिनिधि सभातर्फ बन्दसूचीको उम्मेदवारमा नाम समावेश दलित महिला तर्फकी धनकुमारी सुनारले पार्टी परित्याग गरी अर्को पार्टी प्रवेश गरेकाले प्रतिनिधि सभा निर्वाचन ऐन २०७४ को दफा ३० (१) बमोजिम उनको नाम बन्दसूचीबाट हटाउने निर्णय भएको एमालेले जनाएको छ।

बन्दसूचीमा धनकुमारी भन्दा अघि नाम रहेकी आशाकुमारी विक भने अहिले सांसद नै छिन्।