महामन्त्री खड्काले नेता कार्यकर्तालाई भने– धैर्य गर्नुहोस् कांग्रेस सरकारमा जाने बेला भएको छैन

काठमाडौँ– नेपाली कांग्रेस महामन्त्री पूर्णबहादुर खड्काले कांग्रेस नेता कार्यकर्तालाई धैय हुन आग्रह गरेका छन् ।

उनले कांग्रेस अहिले नै सरकारमा जाने बेला नभएको बताउँदै धैर्य गर्न नेता कार्यकर्तालाई आग्रह गरेका छन् ।

सामाजिक सञ्जालमार्फत महामन्त्री खड्काले कांग्रेसको काँधमा धैर्यता, संयमता र समयअनुसार उपयुक्त निर्णय गर्ने ऐतिहासिक दायित्व आएको बताएका छन् ।

उनले लेखेका छन्, ‘अहिले नै सरकार वा सरकार बाहिरको बहसमा प्रवेश गर्ने बेला भएको छैन, भर्खर त नयाँ खेल शुरू भएको छ । देशले कांग्रेसबाट परिपक्वता र साहसिक निर्णय फेरि माग गर्दैछ, धैर्यवान बनूँ ।’