नेकपा प्रचण्ड-माधव समूहको सचिवालय बैठक सिंहदरबारमा जारी

काठमाडौँ– नेकपा प्रचण्ड-माधव समूहको सचिवालय बैठक अहिले जारी छ । बैठक संसदीय दलको कार्यालयमा जारी छ ।

बैठकमा आगामी रणनीति बनाइने एक नेताले बताए । संसद् बैठकको मिति नजिकिदै गएका बेला कसरी अगाडि बढ्ने भन्ने विषयमा छलफल भइरहेको उनले बताए ।

अविश्वासको प्रस्तावमाथि साथ दिन अध्यक्षद्वय पुष्पकमल दाहाल प्रचण्ड र माधवकुमार नेपालले विपक्षी दलहरु नेपाली काँग्रेस र जनता समाजवादी पार्टी (जसपा) सँग आग्रह गरेका छन् ।

विपक्षी नेताहरुले भने नेकपा विभाजित भएको प्रष्ट नभएसम्म निर्णय नलिने बताएका छन् ।

सर्वोच्च अदालतले गएको ११ फागुनमा संसद् पुनर्स्थापना गरेर १३ दिनभित्र बैठक बोलाउन आदेश दिएपछि सरकारले २३ फागुनमा बैठक बोलाएको छ ।