मैले राजीनामा दिएको छैन : महान्यायाधिवक्ता खरेल

बाइलाइन नेपाल
११ फाल्गुन २०७७, मंगलवार १०:५१

महान्यायाधिवक्ता अग्नि खरेलले आफूले राजीनामा नदिएको बताएका छन् । विभिन्न सञ्चारमाध्यममा प्रतिनिधिसभा विघटनको मुद्दाको बहसका क्रममा सरकारको बचाऊ गर्न नसकेको भन्दै प्रधानमन्त्री केपी शर्मा ओलीले आक्रोश व्यक्त गरेपछि खरेलले राजीनामा दिएको तर स्वीकृत नभएको समाचार प्रकाशित भएका थिए ।

खरेलले रातोपाटीसँग कुराकानी गर्दै आफ्नो र सरकारको बदनाम गर्नका लागि दुश्प्रचार गरिएको जिकिर गरे । ‘मैले राजीनामा दिनुपर्ने कुनै कारण नै छैन,’ खरेलले भने ।

संवैधानिक इजलासमा खरेल सहित ११ जना सरकारी वकिलले विघटनको पक्षमा बहस गरेका थिए । खरेलले आफुविरुद्ध कुनामा बसेर षडयन्त्र गरिएको बताउँछन् । उनले भने–‘मेरो विरुद्ध कुनै कुनामा बसेर मान्छेले षडयन्त्र गरेर राजीनामाको हल्ला चलाए ।’

यसमा तपाइको मत

Your email address will not be published. Required fields are marked *


*