भक्तपुरमा करिब ३७ सय जनाले लगाए कोरोना विरुद्धको खोप

सरकारले तोकेको मापदण्डभित्र परेकाहरुले जिल्लाका भक्तपुर अस्पताल र नेपाल कोरिया मैत्री नगर अस्पताल थिमिबाट खोप लगाएका कार्यालयका प्रमुख वरिष्ठ जनस्वास्थ्य अधिकृत कृष्णबहादुर मिजारले बताए । जसमा स्वास्थ्यकर्मी, सुरक्षा निकाय, निजामति कर्मचारी, जनप्रतिनिधी, पत्रकारलगायत रहेका छन् ।

भक्तपुरमा हालसम्म ९ हजार ५ सय ५२ जना कोरोनाबाट संक्रमित भएका छन् । १ सय २७ जनाको कोरोना संक्रमणबाट मृत्यु भएको छ ।  ९ हजार ३ सय ८३ जना संक्रमण मुक्त भएका छन् । अहिले ४२ जना संक्रिय संक्रमित रहेको स्वास्थ्य कार्यालय प्रमुख मिजारले बताए ।