मकवानपुरमा बिहीबार बिहान ५१ जना संक्रमित थपिए

हेटौंडा । मकवानपुरमा बिहीबार बिहानै ५१ जना संक्रमित थपिएका छन् । जसमा अधिकांश हेटौंडा उपमहानगरपालिका भित्रका रहेका छन् । आयुर्वेद तथा जनस्वास्थ्य प्रर्वद्धन शाखा गोरक्षेश्वर कोभिड–१९ स्वाब संकलन केन्द्रले जारी गरेको रिपोर्ट अनुसार मकवानपुरका विभिन्न स्थानीय तहमा बसोबास गर्नेसहित ५१ जनामा कोरोना पुष्टि भएको हो ।

जनस्वस्थ्य निरीक्षक भोला चौलागाईंले दिएको जानकारी अनुसार हेटौंडा उपमहानगरपालिका भित्रमा ४४ जना कोरोना संक्रमित फेला परेका छन् । यस्तै भीमफेदी गाउँपालिका २ जना, र मकवानपुरगढी गाउँपालिकामा २ जनामा कोरोनाको संक्रमण पुष्टि भएको छ । मकवानपुर बसोबास गर्ने बाहिरी जिल्लाका ३ जनामा पनि कोरोना संक्रमण देखा परेको छ । कात्र्तिक १९ गते संकलन गरिएको १०३ जनाको स्वाब परीक्षण गर्दा ५१ जनामा कोरोना देखा परेको हो । जसमा पुरुष २८ र महिला २३ जना रहेका छन् ।