कोरोना संक्रमित बढेपछि थाहानगरमा विद्यालय बन्द गर्न प्याब्सनको निर्देशन

पछिल्लो समय थाहानगरमा पनि कोरोना भाइरसका संक्रमितको संख्या बढेपछि तत्कालका लागि बिद्यालय नखोल्न्न निजी तथा आवासीय बिद्यालय अर्गानाइजेशन नेपाल (प्याब्सन) थाहानगरले आफ्ना सदस्य विद्यालयहरुलाइ सूचितत गरेको छ ।

शुक्रबार आएको स्वाव परीक्षणको रिपोर्ट अनुसार स्वास्थकर्मीसहित थप ५ जनामा कोरिना पोजिटिभ देखिएपछि थप जोखिमलाइ न्यूनिकरण गर्न विद्यालयहरु बन्द गर्न सूचना गरिएको प्याब्सन थाहानगर अध्यक्ष सुरेन्द्रमान प्रधानले बताए ।

प्याब्सनको सूचना पछि बज्राबारहीमा खुलेका निजी स्कुलहरु शुक्रबार नै बन्द गरेका छन् । ‘नगर प्रमुख लवशेर विष्टसँग कुराकानी भएको छ, अब कोरोनाको जोखिम बढेको अनुभूति भएकोले आइतबार शिक्षा समिति र सरोकारवालाहरुको बैठक बस्ने कुरा भएको छ, त्यसैले हामीले आउँदो शुक्रबार(कात्तिक २१ गते) सम्मका लागि बिद्यालयहरु बिदा गर्ने निर्णय गरेका छौँ ।’ प्याब्सन नगरबाट जारी सैचनामा भनिएको छ ।

तत्कालका लागि प्रभावित क्षेत्रहरु दामन, पालुङ र बज्रबाराहीका विद्यालयहरुको पठनपाठन स्थगन गरिने अध्यक्ष प्रधानले बताए । तर विद्यालयको प्रशासन कक्ष खुल्ला रहनेछजनाइएको छ । –थाहा टाइम्सबाट