दुई महिनापछि सुरू भयो जर्मन फुटबल लिग, शाल्केमाथि डर्टमण्डको शानदार जीत

करिव दुई महिनापछि सुरू भएको जर्मन बुन्डेस लिगा फुटबलमा बोरुसिया डर्टमण्डले फराकिलो जीत निकालेको छ।

कोरोना भाइरसको महामारीले गत मार्चदेखि अबरुद्ध प्रतियोगिता शनिबारदेखि दर्शकबिना नै खेलाइएको हो । खेलमा डर्टमण्डले शाल्केमाथि ४-० को शानदार जीत निकालेको हो ।

उसका लागि राफेल गुईरेरियोले दुई गोल गरे । यस्तै अर्लिङ हालाण्ड र थोर्गन हाजार्डले एक एक गोल गरे ।

जितसँगै डर्टमण्डले शीर्ष स्थानको वायर्न म्युनिखसँगको अंक दुरी १ मा झारेको छ । डर्टमण्डले २६ खेलमा ५४ अंक जोडेको छ । एक खेल कम खेलेको वायर्नको ५५ अंक रहेको छ । शाल्के भने ३७ अंकका साथ आठौं स्थानमा रहेको छ ।