बाग्मती प्रदेशको सुरक्षा बैठक हेटौंडामा सुरु
बाइलाइन नेपाल
हेटौंडा । बाग्मती प्रदेशको सुरक्षा अवस्था र अबको रणनीतिका बारेमा छलफल गर्न बैठक आयोजना गरिएको बैठक आजबाट हेटौंडामा सुरु भएको छ ।
बैठकमा प्रदेशका मुख्यमन्त्री, आन्तरिक मामिला तथा कानून मन्त्रीसहित १३ वटै जिल्लाका प्रमुख जिल्ला अधिकारीहरु, प्रहरी प्रमुखलगायतको सहभागिता रहने जनाइएको छ । बैठकमा नेपाली सेनाको पनि सहभागिता रहेको जनाइएको छ ।
बैठकमा सहभागि हुन गृह सचिव, प्रहरी प्रमुख, शसस्त्र प्रहरी प्रमुखलगायतको उपस्थिति रहेको उल्लेख छ । बैठकमा सहभागी हुन गृहमन्त्री रामबहादुर थापा भोली हेटौंडा आउनले भएका छन् ।
अबको सुरक्षा रणनीतिका बारेमा गृहमन्त्री थापाले विशेष निर्देशन दिने स्रोतले जनाइएको छ । गृहमन्त्रीसहित सुरक्षा निकायका प्रमुखहरु हेटौंडा आउने भएपछि हेटौंडाको सुरक्षा व्यवस्था कडा पारिएको छ । जनपथ र शसस्त्र प्रहरी परिचालन गरिएको छ । बैठकमा सञ्चारकर्मीले भने प्रवेश निषेध गरिएको छ ।
