दीपेन्द्रको ‘के घर के डेरा’ मुहूर्त

बाइलाइन नेपाल
२३ बैशाख २०७९, शुक्रबार १५:०८

दीपेन्द्र के खनालको निर्देशन रहने फिल्म ‘के घर के डेरा’ शुभ–मुहूर्त गरिएको छ । शुक्रबारबाट कलाकार, प्राविधिकको उपस्थितिमा फिल्मको मुहूर्त गरिएको हो । स्वयम्भु स्थित हारती माता मन्दिरमा गरिएको मुहूर्तमा फिल्मको एक दृश्य समेत खिचिएको थियो ।

अहिले चुनावी माहोल भएकोले फिल्मको छायांकन पनि छायांकन गरिएको थियो । जेष्ठ २ गतेबाट नियमित हुने निर्देशक खनालले जानकारी दिए । ३० दिन छायांकन सेड्युल रहेको फिल्म पुरै उपत्यकामा खिचिने निर्देशक खनालको भनाइ छ ।

ए प्लस इन्टरटेनमेन्टको ब्यानरमा निर्माण हुने फिल्ममा दयाहाङ राई, विपिन कार्की, वर्षा राउत, सुरक्षा पन्त, रविन्द्र झा, लक्ष्मी गिरी, आशान्त शर्मा, प्रभाकर न्यौपाने लगायतका कलाकारको मुख्य भूमिका रहनेछ ।

युवराज कार्की कार्यकारी निर्माता रहेको फिल्मको निर्माता शरद श्रेष्ठ, राजीव श्रेष्ठ र किरण महर्जन छन् । सिंगे लामाको कथा रहेको फिल्मको पटकथा तथा संवाद महेश दवाडीले लेखेका हुन् । यही वर्ष रिलिज हुने बताइएको फिल्ममा दीर्घ गुरुङको छायांकन, शंकर थापा स्माइलको संगीत, सुव्रत राज आचार्य र डीपी खनालको गीत रचना, दिर्घ खड्काको सम्पादन छ ।

कार्यक्रममा अभिनेता विपिन कार्कीले काठमाडौंमा डेरा बस्ने सम्पूर्णको जीवनको प्रतिनिधित्व के घर के डेरा’को आफ्नो भूमिकाले गर्ने बताए ।

यसमा तपाइको मत

Your email address will not be published. Required fields are marked *


*