मुक्तक साझ २०७७ भव्यताका सम्पन्न

बाइलाइन नेपाल
२९ चैत्र २०७७, आईतवार १२:५७

मकवानपुरमा सक्रिय साहित्यक संस्था झरना साहित्यिक परिवारको आयोजनामा शनिवार मुक्तक साझ २०७७ भएको छ । हरेक बर्षको चैत्र महिनामा झरनाले टिकटमा मुक्तक साझ गर्दै आइरहेकोमा यो बर्ष पनि सोही निरन्तरता दिएको हो ।

नेपाल नाट्य प्रज्ञा प्रतिष्ठानको पूर्व कुलपति सरुभक्तको प्रमुख आथित्यतामा आयोजनामा भएको कार्यक्रममा रमेशमोहन अधिकारीले स्थापना गरेको नगद १५ हजार ५ सय ५५ रुपैयाँ राशीको शिव–सावित्री अधिकारी स्मृति मुक्तक सम्मानबाट अग्रज मुक्तककार ज्ञानुवाकर पौडेललाई प्रदान सम्मानित गरिएको हो ।

कार्यक्रमका प्रमुख अतिथि सरुभक्तले नयाँ पुस्ताहरुमा राम्रो सम्भावना भएको र अब पुराना पुस्ताका अनुभव र ज्ञान नयाँ पुस्तालाई हस्तान्तरण गर्दै जानुपर्ने आबश्यकता रहेको बताउनुभयो । यसैगरी कार्यक्रममा मकवानपुरका बिर्खे अन्जान, गोरखाका सन्तोष अमागाई, सिन्धुलीका लोकेन्द्र डहरे, काठमाण्डौमा त्रिपुरा पौडेल, कास्कीका अनिता दाहालले एकरएक दर्जन मुक्तक वाचन गर्नुभएको थियो ।

सिर्जनशिल नयाँ पुस्ता निर्माण निर्माण अभियान अन्र्तगत झरनाले आयोजना कक्षा ९–१२ सम्म अध्ययरत बिध्यार्थीबिच भएको मुक्तक प्रतिगोगितामा बिजयी भएका जि एस निकेतनका छात्रा उषाकिरण अधिकारीले नगद १५ सय ५५ नगदसहित शिव–साबित्रि अधिकारी नवप्रतिभा मुक्तक पुरस्कार प्राप्त गर्नुभएको छ । मुक्तक प्रतियोगिताको निर्णय किश्वनाथ सञ्जेल र भवानी तिमिल्सिना न्यौपानेले गर्नुभयो ।

कार्यक्रममा बरिष्ठ मुक्तककार हरिकृष्ण काफ्ले, सर्जक सञ्जाल मकवानपुरका संयोजक निमेष निखिल, संस्थाका सल्लाहकार रमेशमोहन अधिकारीलगायतले मन्तव्य राख्नुभएको थियो । कार्यक्रममा गजल मञ्च मकवानपुरका अध्यक्ष देवराज तिवारी, आँचल कला साहित्य पुञ्जका अध्यक्ष अनिता न्यौपाने, प्रलेस मकवानपुरका अध्यक्ष शान्तिप्रिय बन्दनालगायतको उपस्थीति रहेको थियो । संस्थाका अध्यक्ष दीपक गौतमको अध्यक्षतामा भएको कार्यक्रमको मसान उपासकले सहजीकरण गर्नुभएको थियो ।

यसमा तपाइको मत

Your email address will not be published. Required fields are marked *


*